பாலிவுட் நடிகர்கள் வன்முறை கலாசாரத்தை பரப்பி வருவதாக பெண் துறவியான பா.ஜ.க எம்.பி பேசியது பெரும் சர்ச்சையை ஏற்படுத்தியுள்ளது.
பெண் துறவியும், பா.ஜ எம்.பி.யுமான பிராச்சி, உத்தரகண்ட் மாநிலம் டேராடூனில் நடந்த வி.எச்.பி விழாவில் நேற்று பேசியதாவது, உ.பி மாநிலம் மீரட்டுக்கு சமீபத்தில் சென்றிருந்தேன்.
அப்போது அங்கிருந்த சிறுவர்களிடம், எதிர்காலத்தில் யாரைப் போல் ஆக ஆசைப்படுகிறீர்கள் என கேட்டேன்.
அதற்கு அவர்களில் பலரும் சல்மான் கான், ஷாருக்கான் ஆகியோர் படங்களில் ஆவேசமாக சண்டையிடுவதால், தாங்களும் அவர்களைப் போல் ஆக விரும்புவதாக தெரிவித்தனர்.
இந்த சிறுவர்களின் தாயார்களே, அவர்களிடம் இதை வலியுறுத்தி உள்ளனர். பாலிவுட் நடிகர்கள் சல்மான் கான், ஷாருக் கான், அமீர் கான் ஆகிய மூன்று பேரும், நம் நாட்டின் கலாசாரத்தை சீர்குலைக்கும் விதமான படங்களில் நடிக்கின்றனர்.
எனவே நம் நாட்டு இளைஞர்கள் இந்த நடிகர்களை முன் உதாரணமாக கருதக் கூடாது என்றும், இந்த மூன்று நடிகர்களின் பட போஸ்டர்களை கிழிக்கும்படி அறிவுறுத்துகிறேன் எனவும் பேசியுள்ளார்.
கருத்துகள் இல்லை:
கருத்துரையிடுக