ஒரு ஆணுக்கு, ஒரு பெண் உயிர் தோழியாக இருந்தால் அவனது வாழ்க்கை சிறப்பாக இருக்கும் என்று சொன்னால் அது மிகையல்ல.
ஏனெனில், தனது நண்பனின் வாழ்க்கைக்கு தேவையான பாதைகளை ஏற்படுத்திக்கொடுப்பதில் உறுதுணையாக இருப்பாள்.
 ஆனால், பெண் தோழியை வைத்திருப்பது என்பது சில நேரங்களில் மன வலியையும் ஏற்படுத்தும்.
ஒரு ஆணுக்கு என்னதான் ஏராளமான ஆண் நண்பர்கள் இருந்தாலும், ஒரு பெண் தோழி இருப்பது அவசியம்.
ஏனெனில், பிரச்சனைகளில் சிக்கித்தவிக்கும் வேலைகளில், அதனை சரியாக புரிந்துகொண்டு அந்த பிரச்சனைக்கு சரியான தீர்வை ஏற்படுத்திக்கொடுப்பார்கள்.
"உண்மையான நண்பனை ஆபத்தில் அறிவாய்" என்ற பழமொழி பெண் தோழிகளுக்கு நிச்சயம் பொருந்தும், நீங்கள் உயிருக்காகவோ, அல்லது பண உதவி இல்லாமல் சிக்கித்தவிக்கும்போது கண்டிப்பான முறையில் உங்கள் சூழ்நிலையை உணர்ந்து உதவுவார்கள்.
நீங்கள் ஒரு பெண்ணிடம் காதல் வயப்பட்டுவிட்டீர்கள் என்பதை சரியான முறையில் கண்டுபிடிப்பது உங்கள் பெண் தோழியாகவே இருப்பாள்.
அது மட்டுமின்றி நீங்கள் காதலிக்கும் பெண், உங்களுக்கு பொருத்தமானவளா அல்லது உங்கள் குடும்பத்திற்கு சிறந்த மருமகளா என்பதை கச்சிதமாக கூறிவிடுவாள்.
ஏனெனில் அவளும் ஒரு பெண் என்பதால், நீங்கள் காதலிக்கும் பெண்களை பற்றி உங்கள் தோழியிடம் கூறி கொஞ்சம் அறிவுரை கேட்டுக்கொள்ளுங்கள்.
ஆனால், இந்த அறிவுரை அளவுக்கு மீறி சென்றால் ஆபத்தே, உங்கள் காதலியை பற்றி அவள் அதிகமாக விமர்சிக்கும்போது அதனை உங்களால் ஏற்றுக்கொள்ள முடியாது.
ஆனால், இதனை வெளியில் சொல்ல முடியால் தவிக்க வேண்டி வரும், தப்பித்தவறி வெளியில் சொல்லிவிட்டால் அது இருவருக்குமான பிரிவினை ஏற்படுத்திவிடும்.
இந்த சமுதாயத்தில் பார்வையில் ஆண் பெண் நட்பு சில நேரங்களில் புனிதமாகவும், பல நேரங்களில் தவறான விமர்சனத்திற்கும் ஆளாகின்றது.
எதுவாயினும், ஆண் பெண் நண்பர்கள் தாங்கள் நடந்து கொள்ளும் விதத்தை பொறுத்தே எல்லாவற்றிற்கும் பதில் கூற முடியும் என்பது மட்டுமல்லாமல், தங்கள் நட்பினையும் இறுதிவரை தொடரலாம்.
| 
கருத்துகள் இல்லை:
கருத்துரையிடுக