பிரான்ஸ் மன்னர் ஹென்றியின் தலை கண்டுபிடிப்பு!

பிரான்ஸ் மன்னர் நான்காம் ஹென்றியின் தலை, 400 ஆண்டுகளுக்குப் பின்னர், விஞ்ஞானிகள் பல்வேறு ஆய்வுகள் மூலம் அடையாளம் கண்டுபிடித்துள்ளனர்.

பிரான்ஸ் மன்னர் நான்காம் ஹென்றி மீது, கடந்த1594ல், ஒரு கொலை முயற்சி நடந்தது. அப்போது, அவரது மேல்தாடையில் காயம் ஏற்பட்டது. அதையடுத்து1610ல் படுகொலை செய்யப்பட்டார். அவரது உடல், பாரீசுக்கு அருகில் உள்ள புனித டெனீஸ் தேவாலயவளாகத்தில் அடக்கம் செய்யப்பட்டது. பின்னர், 1793ல் நடந்த பிரெஞ்சு புரட்சியின் போது, அவரது உடல் தோண்டியெடுக்கப்பட்டு, அவரது தலையை போராட்டக்காரர்கள் எடுத்து சென்றனர். 

பின்னர், அந்த மண்டை ஓடு பல்வேறு தரப்பினரிடமும் கைமாறி சென்றது. அது மன்னர் நான்காம் ஹென்றியுடையது தானா என்பதில் சந்தேகம் எழுந்தது. அதுகுறித்து, விஞ்ஞானிகள், பதப்படுத்தி வைக்கப்பட்டிருந்த அந்த தலையை, ஒன்பது மாதங்களாக ஆய்வு செய்தனர். மரபணு உள்ளிட்ட பல்வேறு சோதனைகள் செய்யப்பட்டன.மேலும், அவரது தலையில் ஒரு காய தழும்பும் இருந்தது. காதில்ஆபரணங்கள் அணிந்ததற்கான தடயம், கிரீடம் அணிந்த தடயம் உள்ளிட்டவை குறித்து ஆய்வு செய்யதில்,அந்த அடையாளங்களும்ஒத்துப்போனது.இதையடுத்து, அது நான்காம் ஹென்றியின் தலைதான் என்று விஞ்ஞானிகள் உறுதிப்படுத்தினர். இந்த ஆய்வு குறித்த விவரங்களை அண்மையில், விஞ்ஞானிகள் இணையதளங்களில் வெளியிட்டுள்ளனர்