சிவனொடு ஒக்கும் தெய்வம் தேடினும் இல்லை
அவனொடு ஒப்பார் இங்கு யாவரும் இல்லை
புவனம் கடந்து அன்று பொன் ஒளி மின்னும்
தவனச் சடைமுடித் தாமரை யானே.
-திருமந்திரம் (5)
கற்பனைக்கு எட்டாத பிரபஞ்சங்களையும் கடந்து நின்று அண்டசராசரங்களையும் படைத்து ,காத்து ,அழித்து தன்னுடைய அடியார்களின் உள்ளத்தில் இருந்து அருளும் சிவபெருமானைப்போல் இணை கூறத்தக்கவர் யாரும் இல்லை .
“மைப் படிந்த கண்ணாளும் தானும் கச்சி-மயானத்தான்,
வார்சடையான்” என்னின், அல்லான்;
ஒப்பு உடையன் அல்லன்; ஒருவன் அல்லன்; ஓர்
ஊரன் அல்லன்; ஓர் உவமன் இ(ல்)லி;
அப் படியும் அந் நிறமும் அவ் வண்ண(ம்)மும் அவன்
அருளே கண் ஆகக் காணின் அல்லால்,
“இப் படியன், இந் நிறத்தன், இவ் வண்ணத்தன், இவன்
இறைவன்” என்று எழுதிக் காட்ட ஒணாதே.
-ஆறாம் திருமுறை (அப்பர் ஸ்வாமிகள் )
நமசிவாய சிவாயநம சிவயசிவ சிவசிவ
நமசிவாய சிவாயநம சிவயசிவ சிவசிவ
நமசிவாய சிவாயநம சிவயசிவ சிவசிவ
கருத்துகள் இல்லை:
கருத்துரையிடுக